24 January 2024 – 𝐓𝐡𝐢𝐧𝐫𝐚𝐰 𝐡𝐧𝐚𝐤𝐢𝐧 𝐏𝐚𝐭𝐡𝐢𝐚𝐧 𝐝𝐚𝐢𝐡𝐳𝐚𝐰𝐧𝐠 𝐝𝐢𝐧𝐠𝐟𝐞𝐥𝐡𝐧𝐚𝐤 𝐳𝐢𝐚𝐳𝐚

Nisiar Rauhla Rong
24 January 2024

Kumkhatsong Bible siar

Luatsuakhnak 9–11
Matthai 15:21–39

𝐓𝐡𝐚𝐳𝐚𝐧𝐠 𝐥𝐚𝐧𝐠𝐩𝐡𝐚 𝐭𝐡𝐮𝐜𝐨𝐦: “𝐼 𝑖𝑡ℎ𝑛𝑎𝑘 𝑢 𝑙𝑒 𝑛𝑎𝑢𝑡𝑒, ℎ𝑒 𝑡ℎ𝑢 ℎ𝑒ℎ ℎ𝑖ℎ 𝑡𝑢 𝑛𝑔𝑖𝑜 𝑖ℎ: 𝑎𝑖𝑠𝑢𝑠𝑢 𝑘ℎ𝑎𝑖 𝑙𝑖𝑛𝑔ℎ𝑛𝑎𝑘 𝑙𝑎𝑚 𝑎ℎ𝑐𝑒𝑛 𝑧𝑢𝑎𝑙𝑟𝑎𝑛𝑔 𝑡𝑢 𝑖𝑙𝑎𝑖 𝑝𝑜𝑛𝑔 𝑡𝑢ℎ 𝑙𝑒 𝑡ℎ𝑖𝑛𝑟𝑎𝑤ℎ𝑛𝑎𝑘 𝑙𝑎𝑚 𝑎ℎ𝑐𝑒𝑛 ℎ𝑛𝑢𝑎𝑘𝑓𝑢𝑎𝑙 𝑡𝑢 𝑖ℎ.” (𝐽𝑎𝑚𝑒𝑠 1:19).

James 1:18-21 songai sik tlang nga sing ih.

𝐈.𝐚) 𝐯𝐯. 𝟏𝟖 𝐓𝐡𝐮𝐭𝐚𝐤 𝐩𝐨𝐧𝐤𝐚 𝐡𝐦𝐚𝐧𝐠𝐢𝐧 𝐬𝐞𝐦𝐬𝐮𝐚𝐡 𝐡𝐧𝐚𝐤 𝐦𝐢𝐧𝐮𝐧𝐠𝐭𝐞 𝐢: Amah ai lungkhimhnak in semsuahhnak ising ai kinmah semsuahhnak ah thutak ponkam hmang i. Hetih imanin a semsuah hnak thil hmuahhmuah lakah kinte tu thai hmasaber bang ising.

• 𝐇𝐥𝐢𝐚𝐡𝐡𝐥𝐚𝐢𝐡 𝐡𝐧𝐚𝐤: Pathian ponka hmangin sem suah hnakte ising. Jesuh sangtu heh Pathian ponka sang ising (John 6:29). Ciami a dikcang mi (or) thutak a i mi Pathian ponka sang heh, Pathian ponka in semsuah hnak minung ising. Ciabang sanghnak naitute heh, thai hmasaber” bang i, tiin, san teh i.[1] Bible hlun thuanthu sik ilesingkhaw, “thai hmasaber” tinuamhnak sullam tu, Pathian in amah ca tuhin ril hnak.[2]

𝐈𝐈) 𝐯𝐯. 𝟏𝟗-𝟐𝟎 𝐓𝐡𝐢𝐧𝐫𝐚𝐰 𝐡𝐧𝐚𝐤𝐢𝐧 𝐏𝐚𝐭𝐡𝐢𝐚𝐧 𝐝𝐚𝐢𝐡𝐳𝐚𝐰𝐧𝐠 𝐝𝐢𝐧𝐠𝐟𝐞𝐥𝐡𝐧𝐚𝐤 𝐳𝐢𝐚𝐳𝐚 𝐬𝐮𝐚𝐡𝐩𝐢𝐥𝐨 𝐢: I ithnak u le naute, he thu heh hih tu ngio ih: aisusu khai linghnak lam ahcen zualrang tu ilai pong tuh le thinrawhnak lam ahcen hnuakfual tu ih. Minung ai thinrawhnak in Pathian ai tumtekhnak dikcang heh hlehsuah thil lo i.

• 𝐇𝐥𝐢𝐚𝐡𝐡𝐥𝐚𝐢𝐡 𝐡𝐧𝐚𝐤: Thudikcang Pathian ponka sangtute in,[3] kin thinraw hnak heh Pathian hmudan (or) Pathian hlirdan ai, “dingfelhnak” nun, suahpi lo i.

𝐈.𝐛) 𝐯. 𝟐𝟏 𝐀𝐨𝐡𝐧𝐚𝐤 𝐚𝐡 𝐡𝐥𝐞𝐧𝐩𝐢𝐭𝐮 𝐭𝐡𝐢𝐧𝐥𝐮𝐧𝐠 𝐬𝐨𝐧𝐠𝐚𝐢 𝐤𝐡𝐮𝐦 𝐜𝐢𝐚𝐡𝐧𝐚𝐤 𝐓𝐡𝐮𝐭𝐚𝐤 𝐩𝐨𝐧𝐤𝐚 𝐡𝐞𝐡 𝐧𝐠𝐚𝐢 𝐭𝐮 𝐬𝐚𝐰𝐧 𝐢𝐡: Ciamanin ningdulkul le a rimmi ziaza pha lo hmuahhmuah heh lon tusek ih. Pathian hnenah ap dun tu ilai thinlung songai khumciahnak ning rauhla aothaitu thu heh kho ngai in awh tu ih.

• 𝐇𝐥𝐢𝐚𝐡𝐡𝐥𝐚𝐢𝐡 𝐡𝐧𝐚𝐤: Thinlung songai khumciahnak ning rauhla aothaitu thu heh kho ngai in awh tu ih (v. 21^b). Thinlung songai khum ciahnak thu a tinuamhnak tu, sangtu mite thinlung songai Pathian ponka – Jesuh Khrih sang tu ih – timi, cosang zohnak, sangzo hnak rel nuam hnak i ai, ciami a sang tu hmuahhmuah in aohnak ngah i. “Aohnak” tihnak pongfang heh, thinlung aohnak, tasa aohnak, rauhla [4] aohnak” tiin, huapkau in ruat thil i.

[1] Thai hmasaber “bang” tiin, Zanniat Bible 2018 ah, “bang” tihnak pongfang tello i. Ikhalselai, Mirang Bible ah, hetin ngaan i, “we might be a kind of firstfruits of all he created.” (NIV).

[2] Exodus 23:19; Leviticus 23:10; Nehemiah 10:35; Deuteronomy 18:4; 26:10; Ezekiel 44:30

[3] Pathian in bawn tuseh tiin, kin daihsak hnak tu Jesuh Khrih sang i. Ciami Pathian ponka sangtute, tiin, kin rel nuam hnak i.

[4] Zanniat Bible 2018 ah “rauhla” tiin a ngaan hnak heh, NASB ah, “which can save your souls” tiin, le NIV Bible ah, “which can save you” tiin, ngaan i.