14 January 2024 – 𝐑𝐢𝐧𝐬𝐚𝐧 𝐭𝐥𝐚𝐤𝐦𝐢𝐭𝐞 𝐢𝐧 𝐝𝐚𝐩𝐡𝐧𝐚𝐤 𝐤𝐡𝐮𝐚𝐩𝐢 𝐥𝐮𝐭 𝐭𝐮𝐡 𝐢

Nisiar Rauhla Rong
14 January 2024

Kumkhatsong Bible siar

Genesis 33–35
Matthai 10:1-20

𝐓𝐡𝐚𝐳𝐚𝐧𝐠 𝐥𝐚𝐧𝐠𝐩𝐡𝐚 𝐭𝐡𝐮𝐜𝐨𝐦: “𝐴𝑤 𝑃𝑎𝑡ℎ𝑖𝑎𝑛, 𝑑𝑎𝑝ℎ𝑛𝑎𝑘 𝑛𝑎𝑛𝑔𝑚𝑎ℎ 𝑖𝑛 𝑝𝑒 𝑖𝑠𝑖, 𝐴𝑚𝑎ℎ𝑡𝑒 𝑡𝑢𝑚𝑡𝑒𝑘ℎ𝑛𝑎𝑘 𝑎ℎ 𝑎 𝑘ℎ𝑜𝑡𝑢 𝑙𝑒 𝑁𝑎𝑛𝑔𝑚𝑎ℎ 𝑙𝑒𝑘 𝑛𝑎 𝑟𝑖𝑛𝑠𝑎𝑛𝑡𝑢 ℎ𝑛𝑒𝑛𝑎ℎ!” (𝐼𝑠𝑎𝑖𝑎ℎ 26:3).

Isaiah 26:3-7 songai sik tlang nga sing ih.

𝐈.𝐚) 𝐯𝐯. 𝟑-𝟒 𝐏𝐚𝐭𝐡𝐢𝐚𝐧 𝐚 𝐫𝐢𝐧𝐬𝐚𝐧 𝐭𝐮𝐭𝐞 𝐡𝐞𝐡 𝐏𝐚𝐭𝐡𝐢𝐚𝐧 𝐢𝐧 𝐝𝐚𝐩𝐡𝐧𝐚𝐤 (𝐦𝐮𝐚𝐧𝐠 𝐡𝐧𝐚𝐤 / 𝐡𝐧𝐚𝐧𝐠𝐚𝐦 𝐡𝐧𝐚𝐤) 𝐩𝐞 𝐢: Aw Pathian, daphnak nangmah in pe isi, Amahte tumtekhnak ah a khotu le Nangmah lek na rinsantu hnenah! Bawipa tu kumzangza in rinsan tu ih! Amah in cat loin kin hup tuh i.

• Pathian mithmuh ah rinsan tlak in a nungtu, tiin kin tifangin, “sual hnak nailo in nung” ti hnak ilo ai, Pathian hmaiah sual ngah pang ta in khai, ” i sual i”, tiin, cosang dun ngamtu i. Kumpibawi David nunhnak ah zir thil i (2 Samuel 12:1-23; 15:26; 16:5-14).
• Tumtekhnak ah a kho ngio tute, tiin, kin ti fangin zaitu tumtek hnak heh rel nuam ini? ti heh ruat pha um i. Pathian thu feh dan in ruat kop ilesingkhaw,
  (i) thinlung dikcang hnak thawn khua ruat de hnak heh kho ngai in nai hlen tum tuh.
  (ii) Pathian thawn pehzom hnak thuuk io nai tuh tumtekhnak, hemi tumtekhnakte heh laivum minungte in kho io in nai hlen tuh zuam kin kul hnakber de i.
• Cebang (a cung ai kin ngaan hnakte) minungte tu Pathian khuapi songah dau ne in, muang neu in um tuh i.

𝐈𝐈) 𝐯. 𝟓 𝐌𝐢𝐩𝐮𝐚𝐫𝐭𝐡𝐚𝐮𝐭𝐞 𝐤𝐡𝐮𝐚𝐩𝐢 𝐡𝐞𝐡 𝐏𝐚𝐭𝐡𝐢𝐚𝐧 𝐢𝐧 𝐬𝐢𝐚𝐭𝐬𝐮𝐚𝐡 𝐭𝐮𝐡 𝐢: Mipuarthaute tu nauneh ai, Amahte umhnak a hat ngai khuapui rin hnawmruai i; Amahte vingpui bangkhangte minruai ai, laivut ah cang sek i.

𝐈.𝐛) 𝐯𝐯. 𝟔-𝟕 𝐍𝐚𝐮𝐧𝐞𝐡 𝐡𝐧𝐚𝐤 𝐚 𝐭𝐮𝐚𝐫 𝐭𝐮𝐭𝐞 𝐡𝐞𝐡 𝐏𝐚𝐭𝐡𝐢𝐚𝐧 𝐢𝐧 𝐥𝐚𝐦 𝐬𝐢𝐚𝐥 𝐬𝐚𝐤 𝐭𝐮𝐡 𝐢: Tun tu naunehhnak a tuartute in Ciami laivut vuman vak tlang ai amahte ke in fon tlang i. Aw Bawipa, mipha pawl lampui tu tluangruai isi. A hlunhnak lampui tu lampui cang i.

• Naunehhnak a tuar tute, zai bang tuarhnak rel nuam i ni? tiin ruat pha um leh thio i. Laivum minungte in naunehhnak tuar dan heh a phunphun um thai i.
  (i) Mipuarthaute ai naunehhnak tuar um thai.
  (ii) Khuaruah dikcanglo hnak manin midangte ai naunehhnak tuar khai um thai.
  (ii) Thu ling sual dun hnak manin naunehdun khai um thai.
  (iv) Farah (nu le pa nailo) manin midangte nauneh hnak khai tuar thai.
  (v) Sumsaw nailo farah man in midangte ai nauneh hnak khai tuar thai.
  Isaiah 26:6 songai nau nehhnak a tuartu heh, “sualhnak le mawh hlukpha umlo khalselai ‘nauneh hnak‘ a tuartu” tiin, ngaisung thil i. Cebang minungte heh Pathian in kilkhal i. James 1:27 biak hnak taktak thu ngaanhnak um i, lo siar leh tu.