Laingantu: Henry t Conzo
Date: Wednesday, 01 October 2025
Jude: Thu diklo zirhtute um i, ralring tuih. Pathian ithnak songah sangkho ngaiin um tuih
Laingantu Jude in Pathian ai ithnak le Jesuh Khrih ai huphimhnak songah a umtute hnenah kuathnak laikuat i (v. 1). Jude laikuat ai tumtekhnak tu, thu diklo zirhtu, zirhsualte um tlang i. Ciamanin, sanghnak thu ah ṭang ngai in um tlang tuh i sing, tiin ralriang pehnak le sawmhnak heh laingantu ai tumtekhnakber i.
Thu diklo zirhtute in Pathian ai ninghiohnak thu heh apingpeng in zirh tlang ai Bawipa Jesuh Khrih heh hnawl tlang i (v. 4). Pathian tu Israel mite heh ril awng i, Ikhalselai Israel mite in Pathian daihdan bangin umlo ai, Pathian ithnak songah umlo ilekhaw amahte vumah thukhan de i, tihnak heh hemi laikuat songah thupui ngai in fiang ruai i (v. 6). Ciamanin, Nalangte thu zirhhnak heh thupui in ruat tuihlai, Pathian ithnak songah sangkho ngaiin um tungio ih, tiin ralring hnak pe i (vv. 17, 21).
Thutlangpui:
- I. Thu hmaihoi (vv. 1-4)
- A. Laingantu in vaicanghnak (vv. 1-2)
- B. Thu diklo (or) zirhsualte um i (vv. 3-4)
- II. Pathian thunaihnak hniaah um nuamlotu heh thukhanhnak tawk tuh i (vv. 5-16)
- A. Sadom le Gomorrah vumah thukhan hnak heh hai mahih (vv. 5-7)
- B. Tunsan minungte khai hlanlai minungte bangin sual ve i (vv. 8-16)
- III. Ikhalselai, ralring tuih (vv. 17-23)
- A. Nalangte zirh hnak hih tungioih (vv. 17-19)
- B. Pathian ithnak songah sangkho in um tungio ih (vv. 20-23)
- IV. Pathian thangphathnak (vv. 24-25)
Hliakhlaih hnak:
vv. 1-4 Thu hmaihoi
vv. 1-2 Vaicanghnak: Laingantu Jude in Pathian ai ithnak le Jesuh Khrih ai huphimhnak songah a umtute hnenah hmuifu pehnak thawn vaicang.
v. 3a Laingantu Jude in nunaohnak thu heh tumtekhnak ber in nganhnak thu rel i.
vv. 3b-4 Thu diklo zirhtute um i. Ciamanin sanghnak thu ah ṭang ngai in um tuih: Cen, sanghnak thu ah ṭang tlang tuhin thazang pe kongin forh i. Zaiman tifangin sangtu mite lakah Pathian zai siarlotute lut ai Pathian ninghiohnak thu heh dikcanglo ngai in zirh tlang i. Thu diklo zirhtute tu hnawmhnak tawk tuh i, tiin Lai Lhianghlim rel ciazo i.[1]
vv. 5-7 Mah um tuh hmun a zamtu Israel mite le vancung mite thukhanhnak tuar hnak heh hih tuih.
vv. 5-6a Mah umhmun zamtute: Bawipa in Israel mite Egypt ram in suah awng khalselai, a sanglotute heh hnawmcan hnak ah hleng ruai i (v. 5). Pathian thunaihnak hnia umtutuh vancungmite in a mahte umhmun zamhnak khiah hih tuih (v. 6a).
vv. 6b-7 Thukhanhnak (or) Cawhhnak: Pathian thunaihnak um nuamlo vangcung mite heh khuathim songah um tuhin Pathian in thu khan leh tuh i. Sadom, Gomorrah, le a hiangai khuate sualhnak manin thukhanhnak tuarhnak heh hih tuih.
vv. 8-16 Tunsan minungte khai hlanlai minungte thawn a sualdan bangpah i:
vv. 8-13 Minungte sualhnak: Tunsan minungte khai hmuhnak nai i ing tidun tlang i (v. 8). Cen, Pathian thu naihnak naitat tlang ai van ai umtu mi songlawite khai zohsuam tlang i (v. 8). Vancungmi lakah upaber Michael in rin Pathian thunaihnak naitatlo ai, van cungai umtu mithianghlimte zohsuamlo i, Satan in camriam ngamlo i, Bawipa in na hua i, tiin timenma i (v. 9). Minungte in amahte ling benlo hnak thute heh naitat tlang (v. 10). Cen, ramsa bangin taksa daihhnak hlun ai amahte lala siatsuah dun i (v. 10).Thukham Hlun songai sualhnak bawntute, Balaam le Korah bangin sual tlang i (v. 11). Hnempuilo hnak thilte bawn tlang i (v. 12). A kihkul le zakthi kul thilte bawn tlang (v. 13).
vv. 14-15 Enoch in a cung, vv. 5-7 songai bang minungte thukhan tuhin Pathian hleng tuh lai i, tiin rel cia awng i.
v. 16 Minungte sualhnak: Midang relsia tlang, taksa hiamhnak hlun tlang, amahte veve khaisang dun, thunai thil tuhin midang heh porh tlang i.
vv. 17-23 Ikhalselai ralring tuih.
vv. 17-19 Ikhalselai, Nalangte in ning zirh awnghnak: “Ni hnuataber nia ah, ning hnihsan tu le tisa daihhnak a hluntute suak tuh i,” tihnak heh hih tu ngioih. Hebang minungtetu Rauhla nailo i ai, khrkdunhnak a suak ruaitute i.
vv. 20-23 Ikhalselai, Pathian ithnak songah sangkho in um tungio ih. Sangsamhnak a naitu vumah ninghio ngaihhar hnak thinlung nai tuioh.
vv. 24-25 Doxology: Pathian pakhat ian songlawihnak, thawmlianhnak, hathnak, le thunaihnak tu kumzangza in kho tungio seh.
[1] “Lai Thianghlim in rel ciazo i” tiin a ti hnak tu Danpelehhnak 18:19-20 sirhsan in relhnak tiin ngaisung thil i.