Laingantu: Henry T Conzo
Date: Saturday, 13 September 2025
Ṭitas 3: Can heh thilpha bawn hnak ah hmang tuih (v. 8)
Ṭitas laikuat khanpui pathum heh a khanpui pahnih ai thu thawn pehzom dun i, tiin ruat thil i. Paul in, Ṭitas kilkhawl hnak pawlpui hnenah zirh tuhhnak thute i ai, sangtute dapneu le lung rual neu in pawlkom dun tlang tuhhnak thu i (3:1-2). Cen, pumpak ralring pehnak, thucahhnak, le vaihlahnak ponka in a laikuat ben ruai i.
Ṭitas 3 heh a tlangpui thu in thupui pahnih rel i. (1) Hlanlaiah tisa daihhnak bawn in misual awng i sing. Minungte kin pha manin ilo ai Pathian ninghiohnak in nun aohnak kin bawnsah zo ai, nunthar kin petu Rauhla Thianghloim somciang hnakte i sing, tihnak lar ruai i. (2) Paul in Ṭitas hnenah pumpak thucah hnak le vaihla hnak thute i.
Thutlangpui:
- I. Sangtu mite caah Paul ai thucah (3:1-11)
- A. Pawlkom songah nunmawi nai tum tutlang seh (3:1-2)
- B. Pathian ninghio hnak in nunaohnak kin bawtzo ai, Rauhla Thianghlim in somciangzote i sing (3:3-7)
- II. Paul in Ṭitas hnenah pumpak thucah le vaihla hnak (3:8-15)
- A. Khek dunruaihnak thu heh ralring tu (3:8-11)
- B. Pumpak thucah le vaihla hnak thute (3:12-15)
Hliakhlaih hnak:
3:1-11 Sangtu mite caah Paul ai thucah
3:1-2 Thianghlim ngai in pawlkom dun tuseh
- Uktu bawite thu ngai tuseh
- Thilpha bawn tuhin paitu ciaseh
- Relsia dun mahseh
- Dapneu le rual rem neu in pawlkom dun tu tlangseh
- Thin niamhnak lar ruai tu ṭioseh
3:3-7 Misual awng i sing, ikhalselai Rauhla Thianghlim ai somcianh zohnakte i sing.
3:8-11 Paul in Ṭitas heh, “Hnempuihnak umlo thu el dunhnak le khek dunhnak a suak ruaitu thute heh pial tu,” tiin forh.
- 3:9–11 Laivum thu le a hnempilohnak thu eldunhnak ah tel mah ih (v. 9), lungrual tuhlohnak a suak ruaitu heh thurel tu (v. 10), kom khai kom nawnmah! (v. 10b). (cf. Matt 18.15-20; Exodus 34:15-16; Ezra 10:44).
- 3:9-10a El dunhnak thu menma te pial tu, khekdun tuhthu a suak ruai tu heh ralringhnak a tlawmber vaihnih pe tu.
- 3:10b-11 Cebang minung tetu kom khai kom nawnmah. (cf. matthai 18:15-20, Exodus 34:15-16; Ezra 10:44).
3:12-15 Pumpak thucah hnak le vaihla hnak
Hnikhnaih: 2Korin laikuat songah Paul in Ṭiṭus hming; 2:13, 7:6, 7, 13 le 14 ah velhnin veve, 15, 8:6, 16, 23, 12:18, tiin, siarhnak hmun 9 ah a hming vel 11 sal in lar ruai i.