Laingantu: Henry T Conzo
Date: Monday, 08 September 2025
James 1: Cuhnak harsahnakte heh neh tum tu
James laikuat tu James in laivum khuaha cangai umtu Jesuh Khrih a cosangtu mite (Jesuh cosangtu Israel mite a rel nuam deuhhnak bangin um i), hnenah kuathnak lai i (1:1). James laikuat khanpui pakhathnak ai relnuam hnakbe tu sangtu mite in cuhnak tawk fangin Pathian bawmhnak in tuar ben tuhhnak i. Ciatihin, sanghnak lamah puitling nun nai vivo tuh tihnak heh thupuiber in nganhnak i (1:4).
Cuhnak harsa tuar napui kho ngai in a ding bentu heh mi hmuifu i. Cuhnak a neh ben manin Pathian ai thukham ciahnak nunhnak sui lukhuk ngah tuh i (1:12). Cuhnak a tawk fangin Pathian mawh hluk tuhhnak ilo i. Zaiman tifangin Pathian tu sualsawm thilh ilo ai, amah in khai minungte sualso awnglo i (1:13). Pathian amah lungkhimhnak in semsuahhnak a minungte vumah phatlohnak cuhnak hleng ruai awnglo i (1:18). Sualsohnak hamthok ruaitu tu taksa hiamhnak i (1:14). Taksa hiamhnak heh minung thinlung songah nau bangin pai ai a suahpui hnak tu sualhnak i (1:15). Ciatihin sualhnak in thihhnak ah hlenpui i. Sangtu mite nunhnak ah Pathian tumtekhnak hlenpui benlotu thute heh lon sek tuh hnak i. Ciahnaktahin, thinlung songai khum ciahnak Rauhla thazang pe thaitu thu sawn heh kho ngai in awh tuhhnak sawn i (1:21).
Thutlangpui:
- I. Vaicanghnak (1:1)
- II. Cuhnak in puitling nun nai ruai i (1:2-11)
- A. Cuhnak heh sanghnak in neh tuhhnak i (1:2-4)
- B. Thinlung kalhkaklo in sawngen tuh (1:5-8)
- C. Mah ihnak vumah ang tuhhnak i (1:9-11)
- III. Cuhnak le sualsohnak (1:12-18)
- A. Cuhnak neh fangin Pathian hmuifu cohnak i (1:12-13)
- B. Sualsohnak tu taksa hiamhnak in hleng ruai hnak i (1:14-15)
- C. Pathian in minungte hnenah phalohnak hleng ruai delo i (1:16-18)
- IV. Linghnak thilpha heh bawn tuhhnak i (1:19-27)
- A. Rauhla aothaitu sawn heh kho ngai in awh tuih (1:19-21)
- B. Linghnak heh bawnsuak tum tu rori ih, Pathian in hmuifu pe tuh i (1:22-25)
- C. Pathian cosangtlak biahnak (1:26-27)
Hliakhlaih hnak:
1:1 James laikuat ngantuJames in laivum khuahacang ai umtu sangtu mite hnenah laikuat hnak vaicanghnak.
1:2-4 Cuhnak in puitling nun nai ruai i: Cuhnak heh sanghnak in neh ben fangin tuarben hnak hleng ai, puitling nung naitu cang ruai i.
1:5-8 Fimhnak i kul i, tiin a ruat duntute in thinlung kalhkak hnak nailo in Pathian hnenah ngen tuseh. Thinlung kalhkak in ngen ilekhaw zaikhai ngah tuhlo i.
5:9-11 Mifarahte Pathian bawmhnak in lian ilekhaw ang tuseh. Miliante farah lehsal ilekhaw angtu thotho seh. Zaiman tifangin lianhnak tu papar bangin voi leh thai vual i.
5:12-15 Cuhnak le sualsohnak: Cuhnak harsa tuar napui kho ngai in a ding bentu heh mi hmuifu i. Cuhnak a neh ben manin Pathian ai thu kham ciahnak nunhnak sui lukhuk ngah tuh i (1:12). Cuhnak a tawk fangin Pathian mawh hluk tuhhnak ilo i. Zaiman tifangin Pathian tu sualsawm thilh ilo ai, amah in khai minungte sualso awnglo i (1:13). Sualsohnak hamthok ruaitu tu taksa hiamhnak i (1:14). Taksa hiamhnak heh minung thinlung songah nai bangin pai ai a suahpui hnak tu sualhnak i (1:15). Ciatihin sualhnak in thihhnak ah hlenpui i.
5:16-18 A phami le a semkhimmi tu vang cung Pathian hnen in hleng hnak i. Pathian lungkhim hnak in semsuah hnakte i sing. (Rel fianghnak), Pathian lungkhimhnak in semsuahhnak a minungte vumah phatlohnak cuhnak hleng ruai awnglo i.
1:𝟏𝟖 𝐓𝐡𝐮𝐭𝐚𝐤 𝐩𝐨𝐧𝐤𝐚 𝐡𝐦𝐚𝐧𝐠𝐢𝐧 𝐬𝐞𝐦𝐬𝐮𝐚𝐡 𝐡𝐧𝐚𝐤 𝐦𝐢𝐧𝐮𝐧𝐠𝐭𝐞 𝐢: Amah ai lungkhimhnak in semsuahhnak ising ai kinmah semsuahhnak ah thutak ponkam hmang i. Hetih imanin a semsuah hnak thil hmuahhmuah lakah kinte tu thai hmasaber bang ising.
𝐇𝐥𝐢𝐚𝐡𝐡𝐥𝐚𝐢𝐡 𝐡𝐧𝐚𝐤: Pathian ponka hmangin sem suah hnakte ising. Jesuh sangtu heh Pathian ponka sang ising (John 6:29). Ciami a dikcang mi (or) thutak a i mi Pathian ponka sang heh, Pathian ponka in semsuah hnak minung ising. Ciabang sanghnak naitute heh, thai hmasaber” bang i, tiin, san teh i.[1] Thukham Hlun thuanthu sik ilesingkhaw, “thai hmasaber” tinuamhnak sullam tu, Pathian in amah ca tuhin ril hnak.[2]
5:19-21 Pathian tumtekhnak hlenpui benlo tu thute heh lon sek ai, thinlung songai khum ciahnak Rauhla thazang pe thaitu thu sawn heh kho ngai in awh tuih.
1:𝟏𝟗-𝟐𝟎 𝐓𝐡𝐢𝐧𝐫𝐚𝐰 𝐡𝐧𝐚𝐤𝐢𝐧 𝐏𝐚𝐭𝐡𝐢𝐚𝐧 𝐝𝐚𝐢𝐡𝐳𝐚𝐰𝐧𝐠 𝐝𝐢𝐧𝐠𝐟𝐞𝐥𝐡𝐧𝐚𝐤 𝐳𝐢𝐚𝐳𝐚 𝐬𝐮𝐚𝐡𝐩𝐢𝐥𝐨 𝐢: I ithnak u le naute, he thu heh hih tu ngio ih: aisusu khai linghnak lam ahcen zualrang tu ilai pong tuh le thinrawhnak lam ahcen hnuakfual tu ih. Minung ai thinrawhnak in Pathian ai tumtekhnak dikcang heh hlehsuah thil lo i.
𝐇𝐥𝐢𝐚𝐡𝐡𝐥𝐚𝐢𝐡 𝐡𝐧𝐚𝐤: Thudikcang Pathian ponka sangtute in,[3] kin thinraw hnak heh Pathian hmudan (or) Pathian hlirdan ai, “dingfelhnak” nun, suahpi lo i.
1:𝟐𝟏 𝐀𝐨𝐡𝐧𝐚𝐤 𝐚𝐡 𝐡𝐥𝐞𝐧𝐩𝐢𝐭𝐮 𝐭𝐡𝐢𝐧𝐥𝐮𝐧𝐠 𝐬𝐨𝐧𝐠𝐚𝐢 𝐤𝐡𝐮𝐦 𝐜𝐢𝐚𝐡𝐧𝐚𝐤 𝐓𝐡𝐮𝐭𝐚𝐤 𝐩𝐨𝐧𝐤𝐚 𝐡𝐞𝐡 𝐧𝐠𝐚𝐢 𝐭𝐮 𝐬𝐚𝐰𝐧 𝐢𝐡: Ciamanin ningdulkul le a rimmi ziaza pha lo hmuahhmuah heh lon tusek ih. Pathian hnenah ap dun tu ilai thinlung songai khumciahnak ning rauhla aothaitu thu heh kho ngai in awh tu ih.
𝐇𝐥𝐢𝐚𝐡𝐡𝐥𝐚𝐢𝐡 𝐡𝐧𝐚𝐤: Thinlung songai khumciahnak ning rauhla aothaitu thu heh kho ngai in awh tu ih (v. 21b). Thinlung songai khum ciahnak thu a tinuamhnak tu, sangtu mite thinlung songai Pathian ponka – Jesuh Khrih sang tu ih – timi, cosang zohnak, sangzo hnak rel nuam hnak i ai, ciami a sang tu hmuahhmuah in aohnak ngah i. “Aohnak” tihnak pongfang heh, thinlung aohnak, tasa aohnak, rauhla [4] aohnak” tiin, huapkau in ruat thil i.
5:22-25 Linghnak heh bawnsuak tum tu rori ih, Pathian in hmuifu pe tuh i.
5:26-27 Hmurka (ponka) sup benlo lekhaw, sanghnak manin zuamhnakte heh alovang ah cang tuh i. Pathian cosangtlak biakhnak tu: (i) farah rimsu le hmaitong te, harsahnak le tuarhnak ah a kilkhawltu, (ii) sualhnak ah niat dun ruai tuhlo in mah veve kilkhawl dun bentu i.
[1] Thai hmasaber “bang” tiin, Zanniat Bible 2018 ah, “bang” tihnak pongfang tello i. Ikhalselai, Mirang Bible ah, hetin ngaan i, “we might be a kind of firstfruits of all he created.”
[2] Exodus 23:19; Leviticus 23:10; Nehemiah 10:35; Deuteronomy 18:4; 26:10; Ezekiel 44:30
[3] Pathian in bawn tuseh tiin, kin daihsak hnak tu Jesuh Khrih sang i. Ciami Pathian ponka sangtute, tiin, kin rel nuam hnak i.
[4] Zanniat Bible 2018 ah “rauhla” tiin a ngaan hnak heh, NASB ah, “which can save your souls” tiin, le NIV Bible ah, “which can save you” tiin, ngaan i.