Laingantu: Henry T conzo
Date: Monday, 15 September 2025
Galati 5:
Galati 5 songai thupuite:
- I) Dan rinsantute heh amahte lala Pathian ninghiohnak pualam ah um ruai dun i (5:1-12)
- A) Dan hlunhnak a rinsantute hrangah Khrih heh hnawl i (5:1-6)
- B) Zarhta kul i, tiin zirhtute mawhhlauk (5:7-11)
- II) Rauhla daihhnak hlun tuih (5:13-26)
- A) Itdun tuih, tawngdun leisikhaw ning pairal tuh i (5:12-15)
- B) Rauhla daihhnak le tisa daihhnak tu a ral dun i (5:16-26)
Dan rinsantute hrangah Khrih heh hnempuihnak umlo i: Dan ai ruaihnak hlun in zarhtanhnak rinsantute hrangah Jesuh Khrih heh zaikhai hnempuihnak umlo i (Galati 5:2). Ciabang minungtetu amahte lala Pathian ninghiohnak pualam ah um ruai dun i (Galati 5:4). Ikhalselai, sangtu mite ai ruahsanhnak tu Jesuh Khrih sanghnak thawmin Pathian in midikcang ah cosang tuh, tihnak i (Galati 5:5). Jesuh Khrih thawn pehzom dunhnak naitute hrangah Mosi Dan ruaihnak hlunin zarhtanhnak heh phathnemhnak zaikhai suahpuilo i.
Galati mite hnenah thu diklo reltute mawhhluk: Paul in Galati mite heh thudik zirhhnak in lampialzo hnak thu ling ruai i (Galati 5:7-8). Galati mite hnenah, zarhtan kul i, tiin a zirhtute heh Pathian cawhhnak tawk tuh i, tiin Paul in mawhhluk i (Galati 5:11).
Itdun tuih, tawngdun leisikhaw ning pairal tuh i: Dan thu pehnak le Dan thu naihnak in luat tuhin ko hnakte i si. Ikhalselai, ciami luathnak tu taksa daihhnak bawn thilhnak luathnak ilo i. Dan in ukhnak i nawnlo ai mah le mah ukdun thilhnak luat hnak i ai, sualhnak ah dawnkhamhnak umlo nuam bangbang in nung thilhnak luathnak ilo i (Galati 5:13). Ciahnak tahin, pakhat le pakhat itdun tuhhnak sawn i, rem dunlo ilekhaw pairal tuh sio i, tiin ralringhnak rel i (Galati 5:14-15).
Rauhla daihhnak le tisa daihhnak heh a ral dun i: Minung tisa daihhnak le Rauhla daihhnak tu a ral dun i. Ciamanin, tisa daihhnak bawn tuhhnak i nawnlo i. Rauhla ai hoihnaktetu Dan in uk nawnlo i.
Hliakhlaihhnak:
5:1-6 Dan rinsantute hrangah Khrih heh hnempuihnak umlo i Ikhalselai, zarhtan manin ilo, sanghnak thawmin Pathian in midikcangah cosang i.
5:7-12 Galati mite thudik zirhhnak in lampial ruaitu, zarhtan kul i, tiin zirhtute heh Paul in mawhhluk.
5:13-15 Itdun tuih, tawngdun leisikhaw ning pairal tuh i.
5:16-26 Rauhla daihhnak le tisa daihhnak tu a ral dun i. Ciamanin tisa daihhnak heh bawn mah ih, Jesuh Khrih in thinglamteh vumah khenbet zo i.
- 5:16-18 Rauhla daihhnak le tisa daihhnak heh a ral dun i. Ciamanin, sangtu mite heh amahte tasa daihhnak bawn thillo.
- 5:19-21 Tisa daihhnak ruahhnak le nuncan ziazate.
- 5:22-26 Rauhla daihhnak ai luang suakhnak ruahhnak le nuncan ziazate.