Luatsuakhnak 1 Songai Pathian Thu: Pathian Thu khim zianzo hnakthu

Laingaantu: Henry T Conzo
Date: 28 July 2024

Thupi: Israel mite pungzai ai, Egypt mite in na-harsa perruai

Thutlangpi: Jacob le a innsang Egypt ram ah a hleng fangin mipum 70 i.[1] Joseph le a songkhatte thisio hnuaah Israel miphun heh pungzai in khangso amam i.[2]

Luatsuakhnak khanpi 1 Relfianghnakte:

vv. 1-7: The descendants of Jacob in Egypt. The Israelites were exceedingly increased in numbers.

1. vv. 1-5: Jacob and his family (Seventy (or) seventy-five family members in numbers; cf; Gen. 46:26; Acts 7:14; Deu. 10:22) in Egypt.
2. vv. 6-7: Joseph, his brothers, and all their generations died, but the Israelites were exceedingly increased in numbers.

Egypt ram a hleng thoktu Jocob songsuak fate heh mipum 70 tiin um i. (Exo. 1:5). Cen, Jacob le a innsang Egypt ram a feh fangin mipum 66 tiin, a tihnak ah Joseph fate tello i. Joseph fapa pahnih telcih in a siar fangin 70 ti leh lawn thio i (Gen. 46.26-27). Deuteronomy 10.22 ah khai mipum 70 tiin um i. Ikhalselai, Steven thurel hnak Acts 7.14 ah tu mipum 75 tiin um i.

Steven in mipum 75 tiin a ti hnak heh Joseph fate le a dang fasin te or a nupi te telh cih in ngaanhnak i thai tuh i. Bible commentary ngaantu Jame Philip Hyatt in, ‘mipum 75’ kongcung rel fianghnak a ngaan hnak ah “Joseph fate telh cih hnak i” tiin, Mipumsiarhnak laibu 26:28-37 sirhsan in rel i.[3]

Israel mite Egypt ram a hlengthok fangin mipum zaizah cekci i? tihnak ngawn ling harngai thu pakhat i. Ikhalselai, Pathian ai tumtekhnak bangin Israel mite heh Egypt ram ah hleng tlang hnak i (mg; Gen. 15:13). Pathian in Abram hnenah, “Natesinfate heh ramdang ah mi-vakvai cang tuhai, cetihai, a vakvai tlang hnak ram ah Sal cang tuh i” tiin, ti i (Gen. 15:13).

Jeseph, Joseph suahpite, le Joseph khukpi dung Israel mite tu thisio i. Ikhalselai, Israel mite heh pungzai amam i (Luatsuakhnak 1:6-7). Egypt ram ah Israel mite pungzai hnak thu ngaihven ilesingkhaw, “Pathian tumtekhnak khim zianzohnak” tiin, ngaisung thil lehthio ising. Pathian in Abram hnenah thutiam a bawn awnghnak tu, “Tefatampi nai tuh i si” tiin, tiam awng i (Gen. 12:2, 7, 13:16; 15:5, 18; 17:2). Cetihai, Pathian thutiam awnghnak heh Joseph thih hnua ah khim zianzo tiin, ngaisung thil i.

vv. 8-22: The Egyptians oppressed the Israelites harshly and treated them with no mercy (ruthlessly).

1. vv. 8-10: Pharaoh noticed that Israelites were increasing in numbers therefore he planned to deal shrewdly with them.
2. vv. 11-14: Pharaoh began to treat Israelites with harsh labor.
3. vv. 15-22: Pharaoh asked midwives (nurses) to kill boys when the Israelite women have childbirth. The midwives did not listen to the king’s order and save child’s lives because they fear God (v. 17).

Israel mite Egypt ram ah pungzai ngai manin Egypt kumpi bawi in Israel mite vumah harsa pe tuhin khua ruat thok i hang (Luatsuakhnak 1:8-10). Zaiman tifangin, Israel mite heh Egypt mite vumah neh vivo leh tuh tiin ruat manin i. Egypt kumpibawi in Israel mite vumah a hrem tuh fangin phunhnih in hmalang thok i. (i) Israel mite heh naper harsa per ruai tuh in hmalang thok i (Luatsuakhnak 1:11-14). (ii) Cia hlaiah, nupangte nau suak bawmtu, naudongtu Sayama tet hnen ah, Hebrew fate heh rek tuhin thu suah i (Luatsuakhnak 1:15-22). Ikhalselai, naudongtu Sayamate in kumpibawi thusuah hlunlo in Hebrew fate heh zuah i. Zaiman tifangin naudongtute in Pathian kihzah manin i (Luatsuakhnak 1:17).

Pathian thu khim hnak

Luatsuakhnak Laibu khankhat hnak heh Pathian tumtekhnak kim vivo hnak tiin ngaisung thil ising.  Cetihin, Pathian ai tumtekhnak kin ti nuamhnak tu, Abram hnenah thutiam a peawnghnak rel nuam hnak i. Pathian in Abram hnenah, “Tesinfa tampi nape tuh ing” (Gen. 12:2, 7, 13:16; 15:5, 18; 17:2), tihnak thutiam le “Nateinfate heh ramdang ah mi-vakvai cang tuh ai, cetihai, a vakvai hmun ram ah Sal cang tuh i” (Gen. 15:13), tiin, a tiawng hnak khim ruai hnak tiin kin rel nuam hnak i.

Cetihai Pathian tumtekhnak khim zianzo tiin, ruat thil hnak tu naudongtute heh phun thum in khan in hlir thil i.

(i) Pakhat hnak ah, Israel mite pungzai i: Egypt ram ah Israel mite pungzai hnak thu ngaihven ilesingkhaw, “Pathian tumtekhnak khim zianzohnak” tiin, ngaisung thil lehthio ising. Pathian in Abram hnenah thutiam a bawn awnghnak tu, “Tefatampi nai tuh i si” tiin, tiam awng i (Gen. 12:2, 7, 13:16; 15:5, 18; 17:2).

(ii) Pahnih hnak ah, Egypt ram ai naudongtute heh Pathian khizah manin amahte uktu kumpibawi thusuah hlunlo i. Bible thuanthu sik ilesingkhaw Egypt mite heh a nung Pathian linglotu miphun, a nung Pathian bialotu ram i. Ikhalselai, ciami ram songai napertu in amahte ram thusuah hlunlo in Pathian kihzah sawn i. Cia hlaiah, Egypt ram kupibawi, ‘Pharoach’ heh pathian tlukin ruat dun ai, Egypt ram mite in khai heh amahte uktu ‘Pharoach’ heh pathian tluk in ruat ti i.[4] Egypt ram ai cozah naper naudongtute in, pathian tluk in amahte ruat hnak pharoach thusuah a hlunlo hnak heh a nung Pathian kihzah manin i. Cetihin, naudongtute in Hebrew naute heh zuah ai, Israel miphun konghoitu Moses nung thilhna lampi ah cang ta i.

(iii) Pathum hnak ah, Israel mite remhnak tuar: Israel mite Egypt ram ah pungzai ngai manin Egypt kumpi bawi in Israel mite vumah harsa pe tuhin khua ruat thok i hang (Luatsuakhnak 1:8-10). Zaiman tifangin, Israel mite heh Egypt mite vumah neh vivo leh tuh tiin ruat manin i. Pathian in Abram hnenah, “Natesinfate heh ramdang ah mi-vakvai cang tuhai, cetihai, a vakvai tlang hnak ram ah Sal cang tuh i” tiin, ti i (Gen. 15:13). Cetihai, Pathian tumtek awnghnak heh semkhim hnak in Israel mite heh Egypt mite in naper harsa per ruai thok i, tiin ngaisung thil i.

[1] Egypt ram a hleng thoktu Jocob songsuak fate heh mipum 70 tiin um i. (Exo. 1:5). Cen, Jacob le a innsang Egypt ram a feh fangin mipum 66 tiin, a tihnak ah Joseph fate tello i. Joseph fapa pahnih telcih in a siar fangin 70 ti leh lawn thio i (Gen. 46.26-27). Deuteronomy 10.22 ah khai mipum 70 tiin um i. Acts 7.14 ah tu mipum 75 tiin um i.

Steven in mipum 75 tiin a ti hnak heh Joseph fate le a dang fasin te or a nupi te telh cih in ngaanhnak i thai tuh i. Bible commentary ngaantu Jame Philip Hyatt in, ‘mipum 75’ kongcung rel fianghnak a ngaan hnak ah “Joseph fate telh cih hnak i” tiin, Mipumsiarhnak laibu 26:28-37 sirhsan in rel i (James Philip Hyatt, The New Century Bible Commentary: Exodus, Ronald E. Clements, General Editor., Revised softback edition, (Wm. B. Eerdmans Publishing Company, 1980).

Cen, Jacob le a innsang Egypt ram a feh fangin mipum 66 tiin, a tihnak ah Joseph fate tello i. Joseph fapa pahnih telcih in a siar fangin 70 ti leh lawn thio i (Gen. 46.26-27).

[2] Pathian in Abraham, Isaac, le Jacob hnenai hmuifu thutiam a pehnak heh Exodus ch. 1 ah khim i hang.

[3] James Philip Hyatt, The New Century Bible Commentary: Exodus, Ronald E. Clements, General Editor., Revised softback edition, (Wm. B. Eerdmans Publishing Company, 1980).

[4] James Philip Hyatt, The New Century Bible Commentary: Exodus, Ronald E. Clements, General Editor., Revised softback edition, (Wm. B. Eerdmans Publishing Company, 1980), 90.