Laingantu: Henry T Conzo
Date: Tuesday, 09 September 2025
Ṭitas 2: Innsang kilkhawl dun tuh thu le Khrihfa nunmawi
Ṭitas 2 songah thupui ber in a rel nuamhnak tu, “sangtu mite nuncan ziazapha kin lar ruaihnak manin thuthangpha heh khaisang in um tuh” ponka dang deuh in rel tuh ilesingkhaw, “Aohnak thu ai luang suakhnak nunmawi” tihnak thute heh thupui in lar ruai i (1:5b, 10b).
Ṭitas khanpui pahnih songah thupui pahnih lar ruai i. (1) Khrihfa innsang ah mah le dinhmun ṭen in sangkho hnak thawn fel ngai in nung tlang tuh thute zirh tuhin rel i. (2) Pathian ninghiohnak ai nunaohnak thu heh a sangtu mite caah nuncan ziaza mawi nai ruai i.
Ṭitas 2 thutlangpui:
- I. Innsang kilkhawl dundan zirhhnak (2:1-10)
- A. Innsang patarte (2:1-2)
- B. Innsang nutarte (2:3-5)
- C. Tlangvalte (2:6-8)
- D. Salte (2:9-10)
- II. Nunaohnak thu heh sangtu mite nuncan ziaza mawi ruai i (2:11-15)
Hliakhlaih hnakte:
2:1-10 Innsang kilkhawl dundan zirhhnak: Paul in innsang kilkhawl dundan heh Ṭitas hnenah a hnialam ai bangin zirh i:
2:1-2 Innsang patar deuh pawl
- Zu rimahih
- thinlung ukben tuih
- Sanghnak dik nai tuih
- Ithnak thinlung nai tuh le
- harsa tuarbenhnak thinlung nai tuh
2:3-5 Innsang nutar deuh pawl:
- Nupang ituhdan in nung tuhin zirhtu
- Mirelsia hmang tuhlo
- Zu salah tlok tuhlo
- Nupinu cangngom (pasal nai ngomte), innsang kilkhawl thiam tuhin, pasalte upat thiam tuhin.
- Cetihin Pathian thuthang heh aisuinkhai relsia tuhlo i (v. 5b).
2:6-8 Tlangvalte heh mah veve ukdun ben tuhin forh tu.
Paul in Ṭitas heh;
- Nangmah (Ṭitas) heh santeh tlak in nung tuh
- Rinsantlak mifel cang tumtu
- Midangte thu na zirh fangin, thinlung tak in zirhtu
- Aisu in khai na sawi thil tuhlo in, ponka mawi hmangin thu zirh tu.
2:9-10 Salte (mihnenumte)
- ning bawite hniaah thinniam in um tuhih
- zaihinkhimah ning bawite angruai tuih
- ning bawite thu sawn cohco mahih
- ning bawite thil khai ru mahih
- mipha ihnak le rinsantlak a ihnak larruai tuseh
- Cetihin bawn le khaw Pathian thu kin zirhhnak vumah thangphathnak hleng tuh i (v. 10b).
2:11-15 Aohnak thu heh nuncan ziaza mawi nai tuhin kin zirh i.
2:11–12 Pathian ninghiohnak, nunaohnak in, thu kin zirh i.
- Pathian daihlohnak nundan ziaza kin lingruai i.
- Mah veve suupbenhnak kin zirh
- dikcanghnak zirh i,
- Pathian daihzawng nunzia thawn kin nung thil tuhin kin zirh
2:13 Jesuh songlawihnak thawn a lar tuhnia umlamhnak thawn iang in nung tlang ising.
2:14Jesuh ai nunhnak rori heh…,
- phatlohnak in kin ao tuh
- thilpha bawn hiamtu kin i tuhin
- a mah bulai mithiang kin cang ruai tuhin, kin caah pe i.
2:15 He thute heh na thunaihhnak thawn zirh tu, mi in zoh na suam maseh.